ಅನ್ನದಾ ರಸ್ತೆಯಲಿ ನೌಕರಿಗೆ ಹೊರಟಿಹರು ಈರ್ವರು ತರುಳೆಯರು, ಮತ್ತೋರ್ವ ದುರುಳೆ
ದುರುಳೆಯೇ ನಾನು? ಅಲ್ಲಲ್ಲ , ಆದರಂತೂ ಅಲ್ಲ ಸರಳೆ
ಬದುಕಬೇಕಲ್ಲ ಈ ಜನರ ಮಧ್ಯೆ

ತರುಳೆಯರ ಕಣ್ಣಲ್ಲಿ ಕನಸು
ಕೆನ್ನೆಯಲಿ ರಾಗ ರಂಗು
ತುಟಿಗಳಲಿ ಮಂದಹಾಸ
ಯಾವ ರಾಜಕುವರನ ಕನಸೋ

ಸರಳೆಯ ಕಣ್ಣಲ್ಲಿ ನಿದ್ರೆ
ಕೆನ್ನೆಯಲಿ ಸುಕ್ಕು
ತುಟಿಗಳಲಿ ಒಡಕು ಮುಚ್ಚಲು ವ್ಯಾಸಲಿನು
ಕುವರ ಓದುತ್ತಿಲ್ಲ ಯಾಕೋ

ನಮ್ಮಯ ರೋಡಲ್ಲಿ ಹೊರಟಿಹರು
ಈರ್ವರು ತರುಳೆಯರು ಮತ್ತೋರ್ವ ದುರುಳೆ